Hero Nitin Congress Campaign: తెలంగాణ లో అసెంబ్లీ ఎన్నికలు దగ్గర పడుతున్న తరుణంలో పార్టీలలో ప్రచారం జోరందుకున్నాయ. తాజాగా టాలీవుడ్ హీరో నితిన్ తెలంగాణలో కాంగ్రెస్ పార్టీ తరపున ప్రచారం చేయడానికి సిద్దమైనట్లు తెలుస్తోంది.
కాంగ్రెస్ పార్టీ తరుపున నిజామాబాద్ రురల్ టికెట్ కోసం హీరో నితిన్ మేనమామ నగేష్ రెడ్డి ఆశిస్తున్నారు. ఒకవేళ నిజామాబాద్ రురల్ టికెట్ గనుక నగేష్ రెడ్డి కి దక్కితే తన మేనమామ కోసం రంగంలోకి హీరో నితిన్ దిగనున్నట్లు వార్తలు వినిపిస్తున్నాయి.
ప్రచారంలో భాగంగా హీరో నితిన్ ను రంగంలోకి దింపేందుకు కాంగ్రెస్ తమ వ్యూహాలను సిద్ధం చేస్తున్నట్లు తెలుస్తోంది. అయితే ఈ విషయంపై నితిన్ నించి ఇంకా పూర్తిస్థాయి కన్ఫర్మేషన్ రావాల్సి ఉంది.
కర్ణాటకలో జరిగిన అసెంబ్లీ ఎన్నికల్లో బీజేపీ పార్టీ ని చిత్తుగా ఓడించిన ఉత్సాహంతో ఉన్న కాంగ్రెస్ పార్టీ… ఇప్పుడు రెట్టింపు ఉత్సాహంతో తెలంగాణ రాష్ట్రంలో ఎలాగైనా గెలిచి తమ పార్టీ జెండాను పాతాలని చూస్తోంది. ఈ క్రమంలోనే తెలుగు హీరో నితిన్ ను ప్రచారానికి సిద్ధం చేస్తున్నారని తెలుస్తోంది.
ఇదిలా ఉండగా వచ్చే నెల, అక్టోబర్ లోనే తెలంగాణ ఎన్నికల తేదీని ఎలక్షన్ కమిషన్ ఖరారు చేయనుందని తెలుస్తోంది. అయితే ఇప్పటికే బీఆర్ఎస్ పార్టీ తమ ఎన్నికల అభ్యర్థుల లిస్ట్ విడుదల చేయగా… కాంగ్రెస్ మరియు బీజేపీ పార్టీలు ఇంకా వారి అభ్యర్థుల లిస్ట్ ను ప్రకటించాల్సి ఉంది.
ALSO READ: తెలంగాణ లో కేంద్ర ఎన్నికల సంగం పర్యటన… తేదీలు ఖరారు
