Chikoti Praveen BJP: తెలంగాణ అసెంబ్లీ ఎన్నికలు దగ్గర అవుతున్న తరుణంలో పార్టీలలో కొత్త చేరికలు జరుగుతున్నాయి. కేసినో కింగ్ చికోటి ప్రవీణ్ ఇప్పుడు రాజకీయం వైపు అడుగులు వేయబోతున్నారు. నేడు కేంద్రమంత్రి, బీజేపీ తెలంగాణ అధ్యక్షుడు కిషన్ రెడ్డి సమక్షంలో చికోటి ప్రవీణ్, బీజేపీ పార్టీ లోకి చేరి కాషాయ తీర్థం పుచ్చుకోనున్నారు.
ఈ సందర్భంగా మంగళవారం ఉదయం 11 గంటలకు తన అభిమానులతో కలిసి బీజేపీ ఆఫీస్ కు భారీ ర్యాలీలో రానున్నారు. ఈ ర్యాలీ హైదరాబాద్ కర్మాన్ ఘాట్ హనుమాన్ టెంపుల్ నుంచి ఎల్బీనగర్, దిల్ సుఖ్ నగర్, నల్గొండ క్రాస్ రోడ్స్, మలక్ పేట, కోఠి, అబిడ్స్, నాంపల్లి మీదుగా బీజేపీ కార్యాలయానికి చేరనున్నట్లు సమాచారం.
ఇదిలా ఉండగా చికోటి బీజేపీలోకి చేరడంపై వివరిస్తూ… భారత దేశ ప్రధాని శ్రీ నరేంద్ర మోడీ స్ఫూర్తి బీజేపీలోకి చేరుతున్నా అని తెలిపారు. అలాగే వచ్చే ఎన్నికల్లో బీజేపీ తప్పకుండ అధికారంలోకి వస్తుంది ధీమా వ్యక్తం చేశారు. అంతేకాకుండా తెలంగాణ రాష్ట్ర ముఖ్యమంత్రి కెసిఆర్ అకక్రమాలని కేవలం బీజేపీ మాత్రమే ఎదుర్కోగలదని… అందుకే తాను బీజేపీలోకి చేరుతున్నానని అన్నారు.
మరోవైపు కేసినో కేసులో ఇప్పటికే ప్రధాన నిందితుడిగా చికోటి ప్రవీణ్ ఉన్న సంగతి అందరికి తెలిసిందే. ఈ కేసుకు గాను ఇప్పటికే ఎన్ఫోర్స్మెంట్ డైరెక్టరేట్ (ఈడీ) ప్రవీణ్ ను విచారించింది.
ALSO READ: ఖైదీ నెం: 7691, ఈ నెల 22 వరుకు చంద్రబాబుకు రిమాండ్
