ఆంధ్రప్రదేశ్‌లోని చిత్తూరు జిల్లాలో భారీ వర్షాల కారణంగా తిరుపతిలోని అనేక ప్రాంతాలు జలమయమయ్యాయి. నవంబర్ 18, గురువారం నాడు అనేక ప్రాంతాల్లో భారీ వరదలు సంభవించాయి.
తిరుపతి, తిరుమల మరియు జిల్లాలోని మిగిలిన అనేక ప్రాంతాలలో గుంట, లక్ష్మీపురం, ఎయిర్‌బైపాస్‌ రోడ్డు, చంద్రగిరి పట్టణం, తిరుమల కొండల దిగువన ఉన్న కపిల తీర్థం ఆలయం ఇళ్లలోకి ప్రవేశించే స్థాయికి చేరుకోవడంతో నివాసితులు ఆందోళన చెందుతున్నారు. వరదల కారణంగా రాకపోకలకు కూడా అంతరాయం ఏర్పడింది.
వీధుల్లోకి నీరు చేరడంతో ఆటో రిక్షాలు, పార్క్ చేసిన ద్విచక్ర వాహనాలు కొట్టుకుపోతున్న దృశ్యాలు కనిపించాయి. మరో వీడియోలో నగరంలోని అండర్‌పాస్‌లో దాదాపు పూర్తిగా మునిగిపోయిన బస్సు కనిపిస్తు౦ది.
#Tirupatirains: Situation appears grim, four-wheelers and autos unable to withstand the flood water force getting washed away at Varadharaja Nagar. pic.twitter.com/rmmLK2W2mH
— Sri Yadav (@SriKrishna_TNIE) November 18, 2021
తిరుమల ఘాట్ రోడ్డులో కూడా భారీ వరదలు రావడంతో పాటు కొండచరియలు విరిగిపడి పలు చెట్లు నేలకూలినట్లు సమాచారం. తిరుమల కొండల దిగువన ఉన్న కపిలేశ్వర స్వామి ఆలయంలోకి కొండపై నుంచి నీరు ప్రవహిస్తున్నట్లు మరో దృశ్యం. తిరుమల ఘాట్ రోడ్డులో ఓ వ్యక్తి కొట్టుకుపోతున్నట్లు మరో వీడియో కనిపించింది.
Highways of south #AndhraPradesh turning into gushing river.
A scene from Kadapa-Tirupati shows the impact of #HeavyRain in south AP region.#rainupdate #Monsoon2021 #flooding pic.twitter.com/L75qnsAtgl
— Sanjeevee sadagopan (@sanjusadagopan) November 18, 2021
Now at Tirumala Ghat road pic.twitter.com/SNi6dJLCJU
— GoTirupati (@GoTirupati) November 18, 2021
బంగాళాఖాతంలో అల్పపీడనం
బంగాళాఖాతంలో ఏర్పడిన అల్పపీడనం కారణ౦గా భారీ వర్షాలు కురుస్తున్నాయి. దీని కారణంగా నగరంలో భారీ వర్షాలు కురుస్తాయని అంచనా వేయగా, భారీ వర్షాల హెచ్చరికల దృష్ట్యా తిరుమల తిరుపతి దేవస్థానం (టిటిడి) తిరుమలలోని వెంకటేశ్వర ఆలయానికి రెండు రోజుల పాటు (నవంబర్ 17 మరియు 18) రెండు పాదచారుల మార్గాలను మూసివేసింది.
ముఖ్యమంత్రి వైఎస్ జగన్ మోహన్ రెడ్డి సమీక్ష
భారీ వర్షాల నేపథ్యంలో నెల్లూరు, చిత్తూరు, కడప డిప్యూటీ కమిషనర్లతో ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి సమీక్ష నిర్వహించారు. రిజర్వాయర్లు, సరస్సుల్లో నీటిమట్టాలను ఎప్పటికప్పుడు పరిశీలించి తగు చర్యలు తీసుకోవాలని ఆదేశించారు. అలాగే చిత్తూరు డిప్యూటీ కమీషనర్‌తో మాట్లాడి తగు సదుపాయాలతో సహాయక కేంద్రాలు ఏర్పాటు చేయాలని, రిలీఫ్‌ షెల్టర్‌లో ఉన్న వారికి రూ.1000 రిలీఫ్‌ మొత్తం ఇవ్వాలని ఆదేశాలు జారీ చేశారు.
చిత్తూరు డిప్యూటీ కమిషనర్ ఎం.హరి నారాయణన్ మీడియాతో మాట్లాడుతూ.. ఆంధ్రప్రదేశ్ రాష్ట్ర విపత్తు నిర్వహణ (ఏపీఎస్‌డీఎంఏ) హెచ్చరికల ప్రకారం గురు, శనివారాల్లో జిల్లాలో భారీ వర్షాలు కురుస్తాయని తెలిపారు.
మండల తండాలను, మున్సిపల్ బృందాలను అప్రమత్తం చేశారు. ప్రధానంగా ఈ ఏడాది జిల్లాలో అధిక వర్షపాతం నమోదైంది. నదులు, సరస్సులన్నీ నిండిపోయాయి. ఆయా ప్రాంతాల్లో ముందస్తు జాగ్రత్తలు తీసుకోవాలని ముఖ్యమంత్రి ఆదేశించారు. దీని ప్రకారం, అన్ని మండలాల్లో, నదులు మరియు చెరువుల సమీపంలో ప్రాణ నష్టం జరగకుండా అధికారులను అప్రమత్తం చేశారు.
సహాయక చర్యలు ముమ్మర౦
నాలుగు సహాయ శిబిరాలను ఏర్పాటు చేసి దాదాపు 300 మందిని శిబిరాలకు తరలించారు. డిప్యూటీ కమీషనర్ తెలిపిన వివరాల ప్రకారం, అగ్నిమాపక, పోలీసు శాఖ సిబ్బంది మరియు NDRF, SDRF బృందాలు కూడా ముంపులో ఉన్న ప్రాంతాల నుండి ప్రజలను తరలించడానికి సిద్ధంగా ఉన్నాయి. జిల్లాలోని పాఠశాలలు, కళాశాలలకు గురు, శుక్రవారాల్లో రెండు రోజులు సెలవు ప్రకటించారు.
అత్యవసర పరిస్థితుల్లో ప్రజలు 100కు డయల్ చేయవచ్చని, లేదా 8099999977కు వాట్సాప్‌లో పోలీసులను సంప్రదించవచ్చని లేదా పోలీస్ కంట్రోల్ రూం 6309913960 నంబర్‌లో సంప్రదించవచ్చని తిరుపతి అర్బన్ ఎస్పీ వెంకటప్పల నాయుడు తెలిపారు.
