తెలంగాణ రాష్ట్ర ముఖ్యమంత్రి రేవంత్ రెడ్డి పై లక్ష్మి పార్వతి సంచల వ్యాఖ్యలు చేశారు (Lakshmi Parvathi Comments on CM Revanth Reddy). రాజకీయ పరిణతి అలాగే అనుభవంలేని సీఎం రేవంత్ రెడ్డి (Revanth Reddy) పాలనలో తెలంగాణ రాష్ట్ర ప్రజలకు కష్టాలు తప్పవని ఆమె అన్నట్లు తెలుస్తోంది. లక్ష్మి పార్వతి చేసిన వ్యాఖ్యలు ప్రస్తుతం రెండు రాష్ట్రలలో చర్చనీయాంశంగా మారాయి.
మీడియా సమాచారం ప్రకారం… సూర్యాపేట జిల్లా నడిగూడెంలో రాజావారికోటలో గురువారం లక్ష్మి పార్వతి ఓ కార్యక్రమానికి హాజరయ్యారు. ఈ కార్యక్రమంలో భాగంగా ఆమె మీడియా తో మాట్లాడుతూ… రాజకీయ పరిణతి, అనుభవంలేని సీఎం రేవంత్ రెడ్డి పాలనలో తెలంగాణ రాష్ట్ర ప్రజలకు కష్టాలు తప్పవని హెచ్చరించారు.
అంతేకాకుండా కాంగ్రెస్ పాలిత రాష్ట్రాలలో ముఖ్యమంత్రులు స్వతంత్రంగా వ్యవహరించలేరని… ఏ నిర్ణయం తీసుకోవాలన్నా కాంగ్రెస్ ముఖ్య నేతల అనుమతి తీసుకోవాల్సిందేనని ఆమె అన్నారు. ఎన్నికల్లో హామీలు ఇచ్చినంత సులువు కాదు ప్రజాసమస్యలు పరిష్కరించడం అంటే అని ఎద్దేవా చేశారు.
ఇకపోతే మాజీ ముఖ్యమంత్రి కేసీఆర్ తెలంగాణను అన్ని రంగాల్లో ముందంజలో నిలిపారని. ప్రతి రంగంలో అభివృద్ధిని చేసి చూపించారని, రైతులను ఆదుకున్నారని మెచ్చుకున్నారు.
