తెలంగాణ ముఖ్యమంత్రి రేవంత్ రెడ్డి, బీఆర్ఎస్ వర్కింగ్ ప్రెసిడెంట్ కేటీఆర్‌పై సంచలన వ్యాఖ్యలు చేశారు. దమ్ముంటే రానున్న లోక్‌సభ ఎన్నికల్లో బీఆర్ఎస్‌కు ఒక్క సీటయినా గెలిపించి చూపించాలంటూ కేటీఆర్‌కు రేవంత్ సవాల్ విసిరారు (CM Revanth Reddy Challenges KTR to win single Loksabha Seat in Telangana).
మంగళవారం రంగారెడ్డి జిల్లా చేవెళ్లలో కాంగ్రెస్ పార్టీ జన జాతర బహిరంగసభ (Chevella Congress Party Meeting) నిర్వహించారు. ఈ సభలో ముఖ్యమంత్రి రేవంత్ రెడ్డి, డిప్యూటీ సీఎం భట్టి విక్రమార్క, ఏఐసీసీ ఇన్ ఛార్జ్ దీపాదాస్ మున్షీ మరియు తదితరులు పాల్గొన్నారు.
ఈ సందర్భంగా సీఎం రేవంత్ రెడ్డి మాట్లాడుతూ… తాను తాత పేరో తండ్రి పేరో చెప్పుకొని పైకి రాలేదని.. అవినీతి పరులను అలాగే దుర్మార్గులను తొక్కుకుంటూ పైకి వచ్చానంటూ వ్యాఖ్యలు చేశారు.
ఇకపోతే అదే సభలో కేటీఆర్ పై ఘాటు వ్యాఖ్యలు చేసారు. “దమ్ముంటే, మొగోడివైతే.. పార్లమెంట్ ఎన్నికల్లో ఒక్క సీటైనా గెలిచి చూపించు.. నీఅయ్యా నువ్వు వస్తావో.. నీ అయ్యా వస్తాడో రమ్మను.. మా కార్యకర్తలు చూసుకుంటారు.” అంటూ సీఎం రేవంత్ రెడ్డి సవాల్ చేశారు.
“ఎవరైనా ప్రభుత్వం కూలిపోతుంది అని అంటే.. వాళ్లను గ్రామాల్లో కార్యకర్తలు చెట్టుకు కట్టేసి కొడతారు. అయ్య పేరు చెప్పుకుని సీఎం కుర్చీలో కూర్చోలేదు. కార్యకర్త స్థాయి నుంచి జెండాలు మోసి పోరాటాలు చేసి, లాఠీ దెబ్బలు తిని.. అక్రమ కేసులు ఎదుర్కొని.. చంచల్ గూడా, చర్లపల్లి జైలులో మగ్గినా తలొంచకుండా నిటారుగా నిలబడి.. నిన్ను నీ అయ్యను, నీ బావను బొందపెట్టి.. ఈ కుర్చీలో కూర్చున్నాం.” అంటూ రేవంత్ రెడ్డి మండిపడ్డారు.
కేటిఆర్ కు సవాల్ (CM Revanth Reddy Challenges KTR at Chevella Meeting):
కేటీఆర్‌కు సవాల్ విసిరిన రేవంత్ రెడ్డి
నువ్వు మగాడివైతే వచ్చే లోక్ సభ ఎన్నికల్లో ఒక్క సీట్ గెలిచి చూపించు. pic.twitter.com/XRRWifsqFQ
— Telugu Scribe (@TeluguScribe) February 27, 2024
