కరోనా కష్టకాలంలో ఆక్సిజన్ అందకుండా ఎవరూ చనిపోకూడదనే సంకల్పంతో… మెగాస్టార్ చిరంజీవి రెండు తెలుగు రాష్ట్రాలలోని జిల్లాలలో చిరంజీవి ఆక్సిజన్ బ్యాంక్‌లను ప్రారంభిస్తాన‌ని చెప్పిన సంగ‌తి తెలిసిందే.
గ‌త కొద్ది రోజులుగా రామ్ చరణ్ ఆధ్వర్యంలో ఈ కార్యక్రమాలు శరవేగంగా జ‌రిగాయి. తాజాగా చిరంజీవి ఆక్సిజన్ బ్యాంక్స్ లాంచ్ కాగా, ఈ రోజు ఉదయం 10.30 నుంచి అనంతపూర్,గుంటూరు జిల్లా కేంద్రాలలో చిరంజీవి ఆక్సిజన్ బ్యాంక్స్ సేవలు అందుబాటులోకి వ‌చ్చాయి.
రేపటిలోగా ఖమ్మం, కరీంనగర్ తో పాటు ఇంకో 5 జిల్లాల్లో చిరంజీవి ఆక్సిజన్ బ్యాంక్స్ ప్రజలకు అందుబాటులోకి వస్తాయి. సమయానికి ఆక్సిజన్ దొరక్క ఇక ఎవరు ఇబ్బందిపడకూడదనే ఆశ‌యంతో చిరంజీవి ఈ మ‌హ‌త్తర కార్యాన్ని మొద‌లు పెట్టారు.
https://www.facebook.com/avaaz24/videos/581801482808026
అయితే ఇది నేటి నుండి మొద‌లు కానుండ‌డంతో చిరంజీవి సంతోషం వ్య‌క్తం చేస్తూ.. మిష‌న్ మొద‌లైంది. ఇక ఆక్సిజన్ దొరక్క చనిపోయార‌నే వార్తలు మ‌నం విన‌కూడ‌దు అంటూ చిరు త‌న ట్వీట్‌లో పేర్కొన్నారు.
