కాంగ్రెస్ లీడర్ రాహుల్ గాంధీ శుక్రవారం తమిళనాడుకు చె౦దిన కన్యాకుమారి జిల్లాలోని ఓ పాఠశాలకు చెందిన బృందానికి దీపావళి విందును ఏర్పాటు చేశారు.
వి౦దుకు హాజరైన బృంద౦తో ముచ్చటి౦చిన రాహుల్, దానికి స౦బ౦ది౦చిన వీడియోను ట్విట్టర్‌లో పోస్ట్ చేస్తూ “వారి సందర్శన దీపావళిని మరింత ప్రత్యేకంగా చేసింది. ఈ సంస్కృతుల సంగమం మన దేశానికి అతిపెద్ద బలం మరియు దానిని మనం కాపాడుకోవాలి” అని కాప్షన్ పెట్టారు.
ఆయన ట్విట్టర్‌లో పోస్ట్ చేసిన ఒక నిమిషం నిడివిగల వీడియోలో, విందులో పాల్గొన్న అతిథి ఒకరు రాహుల్ గాంధీని “మీరు మా ప్రధాని అయిన వెంటనే ప్రచురించే మొదటి ప్రభుత్వ ఉత్తర్వు ఏమిటి?” అని అడిగిన ప్రశ్నకు “నేను మహిళా రిజర్వేషన్ ఇస్తాను” రాహుల్ బదులివ్వడ౦ చూడవచ్చు.
“మీ బిడ్డకు మీరు ఏమి నేర్పిస్తారని ఎవరైనా నన్ను అడిగితే, ‘వినయం‘ అని నేను చెబుతాను, ఎందుకంటే, వినయం నుండి మీరు అవగాహన పె౦చుకు౦టారు” అని రాహుల్ గాంధీ ఆ బృంద౦తో చెప్పారు.
Interaction and dinner with friends from St. Joseph’s Matric Hr. Sec. School, Mulagumoodu, Kanyakumari (TN). Their visit made Diwali even more special.
This confluence of cultures is our country’s biggest strength and we must preserve it. pic.twitter.com/eNNJfvkYEH
— Rahul Gandhi (@RahulGandhi) November 6, 2021
శుక్రవారం జరిగిన ఇంటరాక్షన్‌లో రాహుల్ గాంధీ న్యూఢిల్లీలోని తన అధికారిక నివాసంలో తన అతిథులకు ఛోలే భతురే తో డిన్నర్ ఏర్పాటు చేశారు.
హాజరైన వారిలో ఒకరు రాహుల్ గాంధీ మరియు ప్రియాంక గాంధీ వాద్రాలు రైతుల ఆందోళనకు మద్దతునివ్వడ౦పై ప్రస్తావిస్తూ “ఇది నిజంగా ప్రజలతో మీ ఏకత్వాన్ని చూపుతోంది” అని అన్నారు.
కాంగ్రెస్ ప్రధాన కార్యదర్శి ప్రియాంక గాంధీ వాద్రా కూడా ఈ వి౦దుకు హాజరైనట్లు మన౦ వీడియోలో చూడవచ్చు.
విద్యార్థులతో ఆయన మాట్లాడిన వీడియో సోషల్ మీడియాలో విస్తృతంగా ప్రచారంలోకి వచ్చింది.
