విశాఖ రాజధాని అంశంలో వైసీపీ విజన్ పట్ల ఏపీ కాంగ్రెస్ అధ్యక్షురాలు వైఎస్ షర్మిల ట్విట్టర్ వేదికగా సెటైర్లు వేశారు (YS Sharmila Comments on YSCRP Visakha Vision). “పరిపాలన రాజధానిలో ఇన్నాళ్లు పాలన మొదలు పెట్టడానికి ఏం అడ్డొచ్చింది? పరిపాలన రాజధాని అని చెప్పి విశాఖ ప్రజలను మూడేళ్లుగా మోసం చేయడం మీ చేతకాని కమిట్మెంట్.” అంటూ షర్మిల కౌంటర్ వేశారు.
దిగ్గజ కంపెనీలు ఐటీ హిల్స్ నుంచి వెళ్లిపోతున్నా చూస్తూ ఉండటం మీ యొక్క రోడ్ మ్యాప్. వైజాగ్ స్టీల్ ను కేంద్రం అమ్మేస్తుంటే ప్రేక్షక పాత్ర వహించడం మీ విజన్. రైల్వే జోన్ పట్టాలు ఎక్కకపోయినా మౌనంగా ఉండడం మీకు ప్రాక్టికల్. అలాగే… గుట్టల్ని కొట్టడం,పోర్టులను అమ్మడం,భూములను మింగడం ఇదే విశాఖపై వైసీపీ విజన్ అంటూ షర్మిల దుయ్యబట్టారు.
మరి ఇప్పుడు ఎన్నికల దగ్గరవుతున్న వేళ 10 ఏళ్ల వ్యూహాల పేరుతో కొత్త నాటకాలు కాదా ? అని షర్మిల ట్వీట్ చేశారు.
వైసీపీ విజన్ ఇదే (YS Sharmila Comments on YSCRP Visakha Vision):
పరిపాలన రాజధానిలో ఇన్నాళ్లు పాలన మొదలు పెట్టడానికి ఏం అడ్డొచ్చింది?
పరిపాలన రాజధాని అని చెప్పి విశాఖ ప్రజలను మూడేళ్లుగా మోసం చేయడం మీ చేతకాని కమిట్మెంట్. ఐటీ హిల్స్ నుంచి దిగ్గజ కంపెనీలు వెళ్లిపోతున్నా చూస్తూ ఉండటం మీ రోడ్ మ్యాప్. ఆంధ్రుల తలమానికం వైజాగ్ స్టీల్ ను కేంద్రం…— YS Sharmila (@realyssharmila) March 6, 2024
ALSO READ: బాబు ఓడిపోతేనే… జూనియర్ ఎన్టీఆర్ చేతుల్లోకి టీడీపీ వస్తుంది
