ప్రముఖ క్యాబ్ సర్వీసెస్ సంస్థ ర్యాపిడో ఆటో డ్రైవర్లకు శుభవార్తను చెప్పింది. ఇకపై ఆటో డ్రైవర్ల నుండి జీవిత కాలం పటు ఎటువంటి కమిషన్ తీసుకోకుండా సేవలు అందిస్తామని ర్యాపిడో సంస్థ ప్రకటించింది. ఆటో డ్రైవర్లను ఆకట్టుకోవాలనే ఉద్దేశంతో ప్రముఖ క్యాబ్ సర్వీసెస్ సంస్థ ర్యాపిడో, ప్రత్యేకంగా జీరో కమిషన్ మాడల్ను అందుబాటులోకి తీసుకొచ్చింది (Rapido extends zero Commission Model for Auto drivers) .
అయితే డ్రైవర్లు కేవలం లాగిన్ రుసుము మాత్రమే చెల్లిస్తే సరిపోతుంది అని తెలిపింది. ఈ లాగిన్ రుసుము నగరాన్ని బట్టి రూ.9 నుంచి రూ.29 వరకు ఉంటుంది.
గత ఏడాది డిసెంబర్లో రాపిడో క్యాబ్లను ప్రారంభించిన విషయం తెలిసినదే. క్యాబ్ బుకింగ్ సేవల రంగంలోకి ప్రవేశించిన రాపిడో, క్యాబ్ డ్రైవర్ల కోసం జీరో-కమీషన్ మోడల్ను అమలు చేస్తున్నట్లు తెలిపింది. అయితే ఇప్పుడు అదే మోడల్ను ఆటో డ్రైవర్లకు కూడా అమలు చేయనున్నట్లు తాజాగా ప్రకటించింది.
ALSO READ: సీఎం రేవంత్ రెడ్డి కి సుప్రీంకోర్టు నోటీసులు
