ఊహించని సంఘటనలు ఒక్కసారి ప్రాణాన్ని తీస్తాయి. హైదరాబాద్ షాద్ నగర్ లోని ఎలికట్టి గ్రామంలో చికెన్ ముక్క గొంతులో ఇరుక్కుని ఒక వ్యక్తి ప్రాణాలు కోల్పోయాడు (Man Died after Chicken Piece Stuck in Throat).
మీడియా కధనం ప్రకారం… ఝార్ఖండ్ రాష్ట్రానికి చెందిన జితేందర్ మరియు ధర్మేందర్ తివారి కొంతకాలంగా ఎలికట్ట గ్రామంలో అద్దెకు నివాసం ఉంటున్నారు. నిన్న రాత్రి వీరిద్దరూ సంతోషంగా పార్టీ చేసుకోవాలనుకున్నారు. అందుకోసం చికెన్ వండుకుని, మద్యం కూడా తెచ్చుకున్నారు.
ఎంతో సంతోషంగా పార్టీని ఆస్వాధిస్తు… మద్యం తాగుతూ భోజనం చేస్తుండగా అనుకోని విషాదం చోటుచేసుకుంది. అకస్మాత్తుగా జితేందర్ ఒక్కసారిగా కింద పడిపోయాడు. ఊహించని స్థితిలో పడిపోయి ఉన్న జితేందర్ ను హుటాహుటిన ఆస్పత్రికి తరలించగా.. అప్పటికే చనిపోయినట్టు వైద్యులు నిర్ధారించునట్లు తెలుస్తోంది.
విషయం తెలుసుకున్న పోలీసులు… పోస్ట్ మార్టం నిమిత్తం మృతదేహాన్ని ప్రభుత్వ ఆసుపత్రికి తరలించడం జరిగింది. పోస్ట్ మార్టం సమయంలో గొంతులో చికెన్ ముక్కలు కనిపించాయి. భోజనం చేస్తుండగా చికెన్ ముక్క గొంతులో ఇరుక్కుపోవడంతో జితేందర్ ఊపిరాడక మరణించినట్లుగా వైద్యులు నిర్దారించినట్లు తెలుస్తోంది.
ALSO READ: ఘనంగా నుమాయిష్ ఎక్సిబిషన్ ప్రారంభం
