తెలంగాణ అసెంబ్లీ బడ్జెట్‌ 2022 సమావేశాల్లో ముఖ్యమంత్రి కే చంద్రశేఖర్‌రావు భారీగా ఉద్యోగాల భర్తీ ప్రకటనను వెల్లడించారు. రాష్ట్ర౦లో మొత్తం 91, 142 ఉద్యోగాలకు నేటి నుంచే భర్తీ ప్రక్రియ ప్రారంభం చేస్తున్నట్లు ప్రకటించారు. తమది ఎంప్లాయింట్‌మెంట్‌ ఫ్రెండ్లీ గవర్నమెంట్‌ అని, దేశ౦లోనే అత్యధిక వేతనాలు తీసుకు౦టున్నవారు తెలంగాణ ఉద్యోగులు అని సీఎం కేసీఆర్ తెలిపారు.
టీఆర్‌ఎస్‌కు రాజకీయాల౦టే ఒక టాస్క్
వేరే పార్టీలకు రాజకీయాలంటే గేమ్… టీఆర్‌ఎస్‌కు మాత్రం ఒక టాస్క్. ఈ రాష్ట్రం తెచ్చిన వాళ్లం మేం. మేం ఏం చేశామో ప్రజలకూ తెలుసు. పోరాటాలు చేశాం. జైలుకు వెళ్లాం. వ్యక్తిగత నిందలు ఎదుర్కొన్నా. ఏకాగ్రత, లక్ష్యం దెబ్బతినకూడదనే ఉద్దేశంతో ఊరుకున్నాం. తెలంగాణ కోసం క్షోభ, బాధ అనుభవించాం. తెలంగాణ భాష అంటే ఒకప్పుడు హాస్యాస్పదంగా ఉండేది. సినిమాల్లో ఒకప్పుడు జోకర్లకు ఉండే తెలంగాణ యాస… ఇప్పుడు హీరోలకు వచ్చి౦ది అని సీఎ౦ కేసీఆర్ అన్నారు.
95 శాత౦ స్థానికులకే
దేశ౦లోనే అతి తక్కువ అప్పులు ఉన్న రాష్ట్ర౦ తెల౦గాణ. దేశంలో ఎక్కడా లేని విధంగా 95 శాతం రిజర్వేషన్లను స్థానికుల వర్తి౦పజేస్తున్నా౦. అటె౦డర్ ను౦చి ఆర్డీఓ దాకా 95% రిజర్వేషన్ స్థానిక అభ్యర్దులకే ఉ౦టు౦ది. కా౦ట్రాక్టు ఉద్యోగాలను రెగ్యులరైజ్ చేస్తున్నట్లు ప్రకటి౦చారు. ఇకపై కా౦ట్రాక్టు ఉద్యోగాలు ఉ౦డవు అని సీఎ౦ కేసీఆర్ అన్నారు.
ఉద్యోగార్దుల గరిష్ట వయోపరిమిత పె౦పు
పోలీసు సర్వీసు లా౦టి యూనిఫా౦ సర్వీసులను మినహాయి౦చి, ఇతర ఉద్యోగాలకు గరిష్ట వయోపరిమితిని పదేళ్లకు పెంచుతున్నట్లు తెలిపారు. ఇప్పటికే సర్వీసులో ఉన్న 11, 103 కాంట్రాక్ట్‌ ఉద్యోగులను రెగ్యులరైజ్ చేస్తున్నట్లు తెలిపారు.
తెలంగాణలో మొత్త౦ గుర్తించిన ఖాళీలు 91, 142
గ్రూప్‌-1 పోస్టులు 503
గ్రూప్‌-2 పోస్టులు 582
గ్రూప్‌-3 పోస్టులు 1,373
గ్రూప్‌-4 పోస్టులు 9,168
జిల్లా స్థాయిలో 39, 829 పోస్టులు.
జోనల్‌ లెవల్‌లో 18, 866 పోస్టులు
మల్టీజోనల్‌లో 13, 170 ఉద్యోగాల ఖాళీ
ఇతర కేటగిరీ, వర్సిటీల్లో 8, 174 పోస్టులు
నిరుద్యోగుల జాబ్‌ క్యాలెండర్‌ ప్రకటించడంతో పాటు మొత్తం ఖాళీలలో.. 80, 039 పోస్టులకు ఈరోజు (మార్చి 9, 2022) నుంచే నోటిఫికేషన్లు జారీ అవుతాయని సీఎం కేసీఆర్ స్పష్టం చేశారు.
