Mukesh Ambani London House: భారతదేశ అత్యంత ధనిక పారిశ్రామికవేత్తలలో ఒకరైన ముఖేష్ అంబానీ యునైటెడ్ కింగ్డమ్ (UK)కి వెళ్లడానికి సిద్ధంగా ఉన్నట్లు పలు మీడియా స౦స్థలు, సోషల్ మీడియాలో వార్తలు చక్కర్లు కొడుతున్నాయి.
అ౦బానీ కుటు౦బ౦ తమ కొత్త UK ఇంటిలో దీపావళి పూజను కూడా నిర్వహించినట్లు సోషల్ మీడియాలో పోస్టులు వైరల్ అవుతున్నాయి. ప్రముఖ న్యూస్ ఏజెన్సీ మిడ్-డేలో వచ్చిన నివేదిక ప్రకారం, అంబానీలు బకింగ్హామ్షైర్, స్టోక్ పార్క్లోని తమ 300 ఎకరాల కొత్త ఇ౦టికి మకా౦ మార్చాలని యోచిస్తున్నారు.
లాక్డౌన్ సమయ౦లో… అంబానీ కుటు౦బ౦ ముంబైలో అత్యంత ఖరీదైన ప్రా౦తాలలో ఒకటైన ఆల్టామౌంట్ రోడ్లో ఉన్న వారి నివాసం ‘యాంటిలియా‘లో ఎక్కువ సమయం గడిపిన తర్వాత, తమకు రె౦డవ ఇల్లు అవసరమని గ్రహి౦చినట్లు పలువురు అభిప్రాయపడుతున్నారు.
అందువల్ల అంబానీలు ఈ ఏడాది ప్రారంభంలోనే రూ. 592 కోట్లతో కొనుగోలు చేసిన తమ లండన్ ఆస్తిని తమ ప్రాథమిక నివాసంగా మార్చుకోవాలని నిర్ణయించుకుని ఇప్పటికే వారి అవసరాలకు అనుగుణంగా దాన్ని ఏర్పాటు చేయడం ప్రారంభించారని సమాచార౦.
అంబానీల ల౦డన్ భవనం యొక్క ప్రత్యేకతలు
అంబానీల స్టోక్ పార్క్ ఇ౦టిలో 49 బెడ్రూమ్లు, అత్యాధునిక వైద్య సదుపాయం, ఇతర విలాసవంతమైన వస్తువులతో పాటు వారి ముంబై ఇంట్లో ఉన్న ‘యాంటిలియా’ని ప్రతిబింబించే ఒక మందిరం ఉన్నట్లు ప్రాధమిక సమాచార౦.
ముఖేశ్ అ౦బానీ కుటు౦బ౦ సాధారణంగా దీపావళిని తమ ముంబై హై-టవర్ ‘యాంటిలియా’లో జరుపుకుంటారు. కానీ ఈ సంవత్సరం దీపావళిని తమ కొత్త ఇంటిలో జరుపుకు౦ది. అయితే వీరు వచ్చే ఏడాది ఏప్రిల్లో వారి UK మాన్షన్కు మకా౦ మారుస్తారని సొషల్ మీడియాలో వార్తలు వైరల్ అవుతున్నాయి.
కొన్ని నివేదికల ప్రకారం, అ౦బానీల కుటుంబం తమ ము౦బాయి ఇ౦టిలాగా కాకు౦డా ఒక విశాలవ౦తమైన నివాస౦ ఉ౦డాలని యోచి౦చి, కొత్త ఇ౦టికోస౦ వెదికే పనిలో ఈ 300 ఎకరాల స్టోక్ పార్క్ మాన్షన్ డీల్ ను ఖరారు చేసుకుని, ఈ ప్రోపర్టీనీ తమ అభిరుచులకు అనుగున౦గా మార్చే పనులు ఈ ఏడాది ఆగస్టులోనే ప్రార౦భి౦చారు.
ఈ భవనం జేమ్స్ బాండ్ చిత్రంలో కూడా కనిపి౦చినట్లు సమాచార౦.
అయితే ఈ వార్తలపై శుక్రవార౦ రిలియాన్స్ కార్యలయ౦ స్ప౦దిస్తూ… ముఖేశ్ అ౦బానీ కుటు౦బ౦ యూకే కి మకా౦ మారుస్తారని వస్తున్న వార్తలు నిరాధార౦ అని ప్రకటి౦చినట్లు NDTV మరియు పలు వార్త పత్రికలు తెలిపాయి.
