Annamayya District Road Accident: అన్నమయ్య జిల్లలో విషాదం చోటుచేసుకుంది. తిరుమల శ్రీవారి దర్శం పూర్తి చేసుకుని భక్తులు తిరిగి ఇంటికి వెళ్తుండగా వారి వాహనం లారీతో ఢీ కొట్టింది. ఈ సంఘటనలో ఐదుగురు ప్రాణాలు కోల్పోయారు… మరో 11 మందికి గాయాలైనట్లుగా సమాచారం.
కర్ణాటక బెల్గాం జిల్లా అత్తిలి మండలం బడచి గ్రామానికి చెందిన 14 మంది శ్రీవారి దర్శనం కోసం తిరుమల వచ్చారు. స్వామివారిని దర్శనం చేసుకుని ఆనందంతో తమ స్వగ్రామానికి బయలుదేరారు.
ఈలోగ సుమారు తెల్లవారుజామున 3 గంటలు సమయంలో కేవీపల్లి మండలం మఠంపల్లి దగ్గర భక్తులు ప్రయాణిస్తున్న వాహనం లారీ ఒకదాన్నొకటి ఢీకొట్టుకొనడంతో ఈ ప్రమాదం జరిగినట్లుగా తెలుస్తోంది.
విషయం తెలుసుకున్న పోలీసులు, అక్కడి స్థానికుల సాయంతో గాయపడిన వారిని తిరుపతి రుయా ఆసుపత్రికి తీసుకెళ్లనట్లు తెలుస్తోంది. ప్రమాదం సంభవించిన సమయానికి మొత్తం 14గు మంది వాహనంలో ప్రయాణిస్తున్నారని… మృతులు, క్షతగాత్రులు కర్ణాటక రాష్ట్రం బెళగావి వాసులుగా పోలీసులు నిర్ధారించారు.
అయితే ప్రమాదానికి సంబంధించిన పూర్తి వివరాలు ఇంకా తెలియాల్సి ఉంది.
ALSO READ: ముంబైలో విషాదం, లిఫ్ట్ కూలి ఏడుగురు కార్మికులు మృతి
